افغانستان 03 قوس 1401 - 2:25 ب.ظ زمان تقریبی مطالعه: 1 دقیقه
کپی شد!
0

د رسنیو راپور افغانستان ته د داعش او القاعدې راتګ

فاکس نیوز په خپل تازه راپور کې ادعا کړې، چې داعش او القاعده افغانستان ته راستانه شوي او د امریکا او نړۍ لپاره یو لوي احتمالي ګواښ دی.

د دغه خبری آژانس د راپور له مخې، د دوحې له موافقې سره سم، طالبانو ژمنه کړې وه، چې له القاعدې شبکې سره به همکاری ودروی، خو اوس افغانستان د دغو ډلو لپاره په امن ځای بدل شوی دی.

په دغه راپور کې د څو امریکايي چارواکو په حواله ویل شوي، چې القاعده او داعش په امریکا او د نړۍ پر نورو هېوادونو د بریدونو پلان لري او دا کار نړیوالې ټولنې ته ستر خطر دی.

په دې لړ کې د امریکا د FBI مشر هم تایید کړې چې داعش او القاعده په افغانستان کې شتون لري او د دوی فعالیتونه د افغانستان حقیقت دی.

له دې سره سره د فاکس نیوز راپور د افغانستان د ولسي جرګې د پخوانۍ غړې ناهید فرید له قوله ویلي چې په افغانستان کې د داعش لږ تر لږه ۴۵۰۰ غړي شته.

له دې سره سره د افغانستان د پوځ پخواني لوی درستیز هیبت الله علیزي هم ادعا کړې چې د اسامه بن لادن زوی غزني او هلمند ولایتونو ته سفرونه کړي او د دې شبکې له غړو سره یې لیدلي دي.

دا راپور په داسې حال کې خپور شوی چې طالبانو له القاعدې سره هر ډول تړاو رد کړی او ویلي یې دي چې دغه شبکه او داعش ډله په افغانستان کې فعاله نه دي.

نویسنده
نصیر احمد
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *