افغانستان 25 عقرب 1401 - 2:43 ب.ظ زمان تقریبی مطالعه: 0 دقیقه
کپی شد!
0

طالبانو په کندهار کې د پخواني جهادي قومندان د قبر د نړولو ادعا رد کړه

په کندهار کې د پخواني جهادي قومندان ملا نقیب الله اخند د قبر د نړولو په اړه د راپورونو تر خپرېدو وروسته د طالبانو سیمه ییزو چارواکو ویلي چې دا خبر حقیقت نه لري

memaarpress

د معمار وحدت د خبری آژانس د خبر له مخې؛ د ملا نقیب الله اخوند د قبر ویجاړول له غبرګونونو سره مخ شوي دي. نوموړی د جمعیت اسلامي له پخوانیو جهادي قومندانانو څخه و او قبر یې د کندهار په ارغنداب ولسوالۍ کې دی.

په ټولنیزو شبکو کې داسې انځورونه خپاره شوي چې ښيي د دغه قومندان قبر کندلی دی.

دا په داسې حال کې ده، چې تېره اونۍ په پنجشېر کې د درېيم ځل لپاره د هېواد د ملي اتل احمد شاه مسعود د قبر ډبره ونړول شوه.

له بلې خوا د ملا نقیب الله اخوند د مقبرې ړنګولو غبرګونونه راپارولي دي.

د صلاح الدین رباني په مشرۍ د جمعیت اسلامي ګوند ویلي، چې د ملا نقیب الله قبر د مضرو کسانو له خوا بې عزته شوی دی.

عطا محمد نور هم پر دې کار غبرګون وښود او طالبان یې په بې احترامۍ تورن کړل او ویې ویل چې دغه ډله انساني او اخلاقي ارزښتونو ته په سپکاوي تورنه ده.

د ملي مقاومت جبهې مشر احمد مسعود هم وسله وال طالبان د ملا نقیب الله ملا د قبر په ورانولو تورن کړل او هغه یې د اسلامي ارزښتونو خلاف وبلل.

خو په کندهار کې د طالبانو د والي وياند وايي چې د ملا نقيب الله د قبر د نړولو خبر درواغ دى او حقيقت نه لري.

نویسنده
نصیر احمد
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *