خبرونه 17 عقرب 1401 - 3:36 ب.ظ زمان تقریبی مطالعه: 1 دقیقه
کپی شد!
0

د جرمني صدراعظمې د چین له ولسمشر سره په کتنه کې وویل: په څو قطبي نړۍ کې د قدرت نوي مرکزونه په رامنځ ته کیدو دي

د جرمني صدراعظم چين ته د خپل سفر په ترڅ کې وويل چې په څو قطبي نړۍ کې د قدرت نوي مرکزونه په رامنځته کېدو دي او د برلين موخه له ټولو سره د همکارۍ پراخول دي.

memaarpress.com

د معمار وحدت د خبری آژانس د خبر له مخې؛ اولاف شولتز پرون د چين له ولسمشر شي جين پينګ سره وکتل او د دوه اړخيزو اړيکو د پراختيا او د اوکراين په شمول د بېلا بېلو سيمه ييزو او نړيوالو مسايلو په اړه يې د نظريو تبادله وکړه.

د پولیټیکو لپاره په یوه مقاله کې، شولټز لیکلي: “دا هغه ځای دی چې په څو قطبي نړۍ کې د ځواک نوي مرکزونه راڅرګندېږي، او زموږ موخه دا ده چې د دوی ټولو سره ملګرتیا جوړه او پراخه کړو.”

له همدې امله، په وروستیو میاشتو کې موږ په نړیواله کچه ژوره همغږي ترسره کړې – د نږدې ملګرو لکه جاپان او کوریا، هند او اندونیزیا، او افریقایي او لاتینې امریکا هیوادونو سره.

د جرمني صدراعظمې دا هم ویلي چې د اوونۍ په پای کې به جنوب ختیځې اسیا ته سفر وکړي او د G20 په سرمشریزه کې به ګډون وکړي.

هغه چين د نړۍ د بحرانونو په حلولو کې يو تر ټولو اغېزمن هېواد وباله.

شي جين پينګ د جرمني له مشر سره په کتنه کې وويل چې د چين او اروپا ترمنځ اړيکې په يوروشيا کې د نړۍ پر ثبات او سمسورتيا اغېز لري او بايد د دواړو خواوو په کوښښونو سره وساتل شي.

هغه زياته کړه چې چين تل د اروپايي ټولنې د ستراتيژيکې خپلواکۍ ملاتړ کوي او د اروپا د ثبات او سمسورتيا هيله لري.

د چین ولسمشر هم د اوکراین په جګړه کې د اټومي وسلو د کارولو پر وړاندې خبرداری ورکړی دی.

چین ته د جرمني د صدراعظم سفر د یو شمېر اروپايي هېوادونو او امریکا له انتقادونو او مخالفتونو سره مخامخ شوی دی.

نویسنده
نصیر احمد
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *