افغانستان 12 عقرب 1401 - 3:34 ب.ظ زمان تقریبی مطالعه: 1 دقیقه
کپی شد!
0

ضمیر کابلوف: د اوکراین په جګړه کې د افغان کمانډو د ګمارلو خبر جعلي دی

د روسیې د بهرنیو چارو وزارت یوه چارواکي په اوکراین کې د جګړې لپاره د دغه هېواد له خوا د افغان امنیتي ځواکونو د ګمارلو خبرونه جعلي بللي دي.

د معمار وحدت د خبری آژانس د خبر له مخې؛ د سپوتنیک د راپور له مخې، د افغانستان په چارو کې د روسیې د ولسمشر ځانګړي استازي ضمیر کابلوف په دې اړه د یوې پوښتنې په ځواب کې وویل: زه په جعلي خبرونو تبصره نه کوم.

په همدې حال کې د پخواني حکومت یو شمېر لوړ پوړو امنیتي چارواکو تایید کړې چې روسیه غواړي افغان کمانډو او پخواني امنیه قوماندانان د زیاتو پیسو په ورکولو او د استوګنې په ژمنو وګماري.

د امریکا د بهرنیو چارو د وزارت ویاند نید پرائس هم پرون د یوه خبریال د پوښتنې په ځواب کې وویل چې د روسیې له خوا د افغان کمانډو د ګمارلو په اړه له راپورونو خبر دی.

پرائس وویل: “البته، دا کومه پټه خبره نه ده چې کرملین په اوکراین کې د جګړې او احتمالي مړینې وړ خلکو لپاره پراخه جال اچولي دي.”

نوموړي د افغان کمانډو له وتلو وروسته د امریکا د بې غورۍ د تورونو په غبرګون کې د SIV او P1 پروګرامونو ته اشاره وکړه او ویې ویل چې امریکا ته د افغانانو د تګ لپاره ډېرې لارې شته.

تر دې وړاندې ګڼو لوېدیځو رسنیو د روسیې له خوا د پخوانیو افغان امنیتي ځواکونو د ګمارلو په اړه راپورونه خپاره کړي دي.

نویسنده
نصیر احمد
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *