افغانستان 11 عقرب 1401 - 1:51 ب.ظ زمان تقریبی مطالعه: 0 دقیقه
کپی شد!
0

د نویو سیاسي ایتلافونو په اړه د متقې غبرګون: د څو روپیو لپاره یې په غاړه کې د غلامۍ زنګولې اچولي

د طالبانو د ګوندونو د ایتلافونو او نویو سیاسي تشکیلاتو د جوړولو په غبرګون کې د طالبانو د بهرنیو چارو سرپرست وزیر د دغو سازمانونو پر غړو تور پورې کړ چې د پنځو روپیو په بدل کې یې په غاړه کې د غلامۍ زنګولې اچولي دی

memaarpress.com

د معمار وحدت د خبری آژانس د خبر له مخې؛ یو شمېر افغان سیاستوالو په وروستیو اونیو کې د نویو سیاسي ایتلافونو د جوړولو اعلان کړی دی.

د دوی په منځ کې د پخواني ولسمشر دویم مرستیال سرور دانش په مشرۍ “د افغانستان د عدالت او ازادۍ” ګوند هم دی، چې په افغانستان کې یې د فدرالي نظام د رامنځته کولو په موخه خپل شتون اعلان کړ.

تر دې مخکې “د سولې ملي حرکت او عدالت” د تېر حکومت د بهرنیو چارو وزیر محمد حنیف اتمر، د تېر حکومت د سولې د مذاکراتي ټیم مشر محمد معصوم ستانکزي او یو شمېر نورو سیاستوالو په حضور کې د سولې او عدالت غوښتنې خپل د کار پیل اعلان وکړ.

د طالبانو د بهرنیو چارو وزیر په ښکاره توګه نویو ګونډنو ته اشاره کوي او وايي: “نورو ته خدمت کول نه پخوا ګټور وو او نه به وروسته ګټور وي.”

ښاغلی متقي د هېواد له سیاستوالو غواړي چې افغانستان ته راستانه شي او د “عزت او کرامت تر سیوري لاندې” ژوند پیل کړي.

نن سه شنبه د طالبانو د استخباراتو ریاست په خپل ټوېټر اکاونټ کې د امیرخان متقی د وینا ویډیو خپره کړه.

په دې ویډیو کې د طالبانو د بهرنیو چارو سرپرست وزیر وايي چې د دې ډلې ځواکونو د څو ساعتونو په اوږدو کې له بدخشان څخه تر هلمند او له هرات څخه تر فاریاب پورې خپل “دښمنان” “په هر ډول جامو” سره چې دوی یې پورته کړي وو ځپلي دي.

د طالبانو د بهرنیو چارو وزیر وايي، دا ځپلي “د الله تعالی فضل، د ملت همکاري او د ځوانانو قرباني” او د طالبانو د غړيتوب ښيي.

نویسنده
نصیر احمد
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *