افغانستان 10 عقرب 1401 - 4:01 ب.ظ زمان تقریبی مطالعه: 0 دقیقه
کپی شد!
0

په کابل کې د مظاهره کوونکو ښځو له راټولېدو څخه د طالبانو مخنیوی

یو شمېر ښځو په کابل کې د ښځو د کار پر حق د بندیز په اعتراض کې د تعلیمي اسنادو یو نندارتون جوړ کړی و چې د طالبانو له خوا وځپل شو.

memaarpress.com

د معمار وحدت د خبري اژانس د راپور له مخې، د “افغانستان د ځواکمنو ښځو” د غورځنګ په نوم د اعتراض کوونکو یوې ډلې ویلي، ټاکل شوې وه نن دوشنبې (د عقرب ۹مه) د کابل په نوي ښار کې احتجاجي غونډه جوړه کړي؛ خو طالبانو د دغې غونډې د ترسره کیدو مخه ونیوله.

دغه مېرمنې وايي، ټاکل شوې وه چې په دې غونډه کې خپل علمي اسناد نندارې ته وړاندې کړي. خو د دوی په وینا طالبانو دغه غونډه ګډوډه کړه او د یو شمېر ښځو اسناد یې پرې کړل.

د لاريون کوونکو له ډلې څخه يوه مېرمن وايي، چې د طالبانو د سيمې قوماندان دوى ته ګواښونه کړي او په هوايي ډزو سره يې د لاريون کوونکو د ګډوډولو هوډ کړى دى.

دغه مظاهره کوونکې مېرمن وايي، دوی اراده درلود چې د خپل غږ نړۍ ته ورسوي. په ورته وخت کې هغه وايي، چې نړیواله ټولنه او د ښځو د حقونو بنسټونه افغان ښځو ته هېڅ پام نه کوي.

اعتراض کوونکې مېرمنې وايي، تر هغو به مبارزه کوي، چې خپل حقونه ترلاسه کړي.

طالبانو د واک تر لاسه کولو وروسته پر ښځو او نجونو سخت بندیزونه ولګول.

دا ډله اوس مهال ښځو ته په دولتي ادارو کې د کار کولو اجازه نه ورکوي او له شپږم ټولګي څخه پورته نجونو ته یې ښوونځي تړلي دي.

نویسنده
نصیر احمد
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *