افغانستان 09 عقرب 1401 - 3:02 ب.ظ زمان تقریبی مطالعه: 0 دقیقه
کپی شد!
0

د بدخشان پوهنتون د ښځینه محصلینو مظاهره چې پوهنتون ته د هغوی د ننوتو مخنیوي شوې ده

د بدخشان ولایت سیمه ییزو سرچینو خبر ورکړی، چې د یکشنبې په سهار د عقرب ۸مه د بدخشان پوهنتون د ښځینه محصلینو یوې لویې ډلې د دغه پوهنتون د دروازې مخې ته لاریون وکړ

memaarpress.com

د معمار وحدت د خبری آژانس د خبر له مخې؛ د محصلینو اعتراضونه وروسته له هغه پیل شول چې طالبانو یو شمېر محصلین د “بورقې نه اغوستلو” په پلمه پوهنتون ته د ننوتو مخه ونیوله.

د بدخشان پوهنتون یو شمېر ښځینه محصلانې وايي چې د طالبانو د امر بالمعروف او نهی عن المنکر مامورین د بورقې د نه اغوستلو له امله پوهنتون ته د ننوتو مخه ونیوله.

دوی وايي چي د طالبانو د امر بالمعروف او نهی عن المنکر مامورین نجونې هم وهلي او سپکې کړي دي.

نن یکشنبه (د عقرب ۸ مه) دغو محصلینو د بدخشان پوهنتون مخې ته مظاهره وکړه او شعار یې ورکړ چې «موږ اجباري حجاب نه غواړو».

د دغو محصلینو له ډلې څخه یوه یې اطلاعات خبري آژانس ته وویل: موږ د طالبانو له چلند څخه ستړي شوي یو. د طالبانو د امر بالمعروف د لیلیې په دروازه او د پوهنتون په دروازه کې دوه ملایان ګمارلي دي او هره ورځ د پوره حجاب د نه کولو په پلمه محصلینو ته سپکاوی کوي.

د لاريون کوونکو له ډلې څخه يوه هم وايي، طالبان د دې پر ځاى چې ښوونيز او تعليمي نظام او کيفيت ته پام وکړي، د نجونو جامې سپکاوی کوي. پداسې حال کې چې ښځینه محصلینو مناسبې جامې اغوندي او په مخونو کې ماسکونه اغوندي.

یوه بله مظاهره کوونکې نجلۍ وايي، چې طالبانو او محتسبینو هم د دوی اعتراضونه درولي دي.

د هغه په ​​وينا، طالبانو د نجونو د راټولېدو د ګډوډولو لپاره “لښکې” او “کيبلونه” کارولي دي.

د بدخشان پوهنتون رییس نقیب الله قاضي زاده وايي، د طالبانو د لوړو زده کړو وزارت د ښځینه محصلینو د پوښښ لپاره مشخصې لارښوونې تصویب کړې دي. خو امر بالمعروف او نهی عن المنکر مامورین خپل ځانګړي لارښوونې لري.

دبدخشان پوهنتون رييس له ښځينه محصلينو سره د امر بالمعروف مامورین ناوړه چلند په کلکه تاييد کړ او ويې ويل چې محتسبین له محصلينو سره ناسم چلند کړى او له هغوى څخه يې د بورقې يا بشپړ حجاب د اغوستلو غوښتنه کړې ده.

ښاغلي قاضي زاده دا هم وویل چې د محصلینو شکایتونه او اعتراضونه یې اورېدلي او اوس د محصلینو اعتراض پای ته رسېدلی دی.

د بدخشان پوهنتون رئيس وايي، چې د دې موضوع د څېړلو په موخه يې د بدخشان پوهنتون د امر بالمعروف او نهی عن المنکر مامورین له استازي سره وکتل.

د طالبانو د لوړو زده کړو وزارت د مقرراتو له مخې، ښځینه محصلین باید تورې او ازاد جامې واغوندي.

د دې ډلې لپاره غوره حجاب د مخ پټول یا د بورقې اغوستل دي.

نویسنده
نصیر احمد
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *