افغانستان 24 میزان 1401 - 5:37 ب.ظ زمان تقریبی مطالعه: 0 دقیقه
کپی شد!
0

د طالبانو څخه د دې ډلي تر ټولو مهم ازبک قوماندان جلا کېدل

د طالبانو تر ټولو مهم ازبک قوماندان قاري صلاح الدین ایوبي د طالبانو له حکومت سره د هغه څه په اعتراض کې خپلې اړیکې پرې کړې چې هغه یې «توکمپالنې سیاستونه» بولي.

memaarpress.com

د معمار وحدت د خبری آژانس د خبر له مخې؛ د باوري سرچینو له قوله ویل شوي چې صلاح الدین ایوبي خپه شوي او له کابله وتلی او په فاریاب ولایت کې خپلې اډې ته تللی دی.

دغه ازبک قوماندان وايي، تر هغه به له طالبانو سره کار ونه کړي، څو چې د طالبانو په حکومت کې اساسي اصلاحات نه وي راغلي.

د دغه راپور پر بنسټ، “ټول شموله حکومت، زده کړو ته د ښځو د بشپړ لاس رسی حق او د خلکو د ځمکو د جبري غصب مخنیوی” د صلاح الدین ایوبي له خوا مطرح شوي موضوعات دي.

طالبانو لا له وړاندې له هغه څخه پوځي لقب واخیست او د کلیو پراختیا وزارت مرستیال یې وټاکه، چې ښاغلي ایوبي ونه منله.

د طالبانو د مشرانو تر منځ تاو تریخوالی زیات شوی او ښاغلی ایوبي د “د واک انحصار او د توکمیزو ډلو له منځه وړلو” په اعتراض کې له دندې ګوښه شوی دی. دغه قوماندان په شمال کې د ازبک نژاده طالبانو د لوی شمېر مشري کوي او یو له لومړنیو قوماندانانو څخه و چې کابل او د افغانستان ولسمشرۍ ماڼۍ ته ننوتل.

تر دې وړاندې د طالبانو یو بل هزاره قوماندان مولوي مهدي هم له دغې ډلې څخه جلا شو او د هغوی پر ضد یې خونړۍ جګړه پیل کړه، چې په پایله کې یې په بلخاب سرپل کې لسګونه کسان ووژل شول او تر ۲۷ زرو ډېر ولسي وګړي بې ځایه شول.

نویسنده
نصیر احمد
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *