افغانستان 25 سنبله 1401 - 11:15 ق.ظ زمان تقریبی مطالعه: 0 دقیقه
کپی شد!
0

په پاکستان کې سلګونه افغان کډوال بندي کیدل

د پاکستان پولیس د استوګنې له اسنادو پرته کډوال جریمه کوي، که جریمه ورنه کړي، نیول کېږي او بنديان کېږي.

memaarpress.com

د معمار وحدت د خبری آژانس د خبر له مخې؛ د بیخدي په وینا؛ په پاکستان کې د افغانستان سفارت، چې د طالبانو تر کنټرول لاندې دی، اعلان وکړ چې د پاکستان په کراچۍ ښار کې له یوه زندانه ۸۴ افغان کډوال خوشې شوي دي.

په کراچۍ کې افغان قونسل مولوي سید عبدالجبار تخاري وايي، دغه شمېر افغان کډوال نن (پنجشنبه د میزان ۲۱مه) افغانستان ته تللي دي.

د دغو بندیانو خپاره شوي عکسونه په یوه بس کې دننه ښيي.

په پاکستان کې د افغانستان سفارت تایید کړه چې اوس هم د پاکستان په زندانونو کې څه باندې ۳۰۰ افغان کډوال بند دي چي د خوشې کولو هڅې یې روانې دي، ویل کېږي چې په دغو بندیانو کې ښځې او ماشومان هم شامل دي.

عبدالجبار تخاري وايي چې په دوو اوونیو کې به نور افغانان د کراچۍ له زندانه خوشې شي.

شاوخوا ۱۵ ورځې وړاندې پاکستان د کراچۍ له یوه زندانه ۱۵۰ افغان کډوال خوشې کړل.

په پاکستان کې افغان کډوال وايي چې پاکستاني امنیتي اجنټان د اوسیدو له اسنادو پرته افغانان لټوي.

ویل شوي چې د پاکستان پولیس د استوګنې له اسنادو پرته پر مهاجرو جریمې لګوي او که دغه جریمه ورنه کړي، نیول کېږي او زنداني کېږي.

تر دې مخکې د طالبانو د بهرنیو چارو د وزارت د ویاند مرستیال ضیا احمد تکل ویلي وو چې د پاکستان حکومت به په څو ورځو کې افغانستان ته په دغه هېواد کې د پاتې نورو بندیانو د خوشي کولو په اړه خپله وروستۍ پرېکړه اعلان کړي.

ویل شوي چې دا مهال په پاکستان کې شاوخوا درې میلیونه افغان کډوال مېشت دي او هره ورځ د دغو کډوالو شمېر مخ په زیاتېدو دی.

د اشرف غني احمدزي له تېښتې او د جمهوري نظام له ړنګېدو وروسته په میلیونونو خلکو له افغانستانه کډه وکړه او ډېرو یې ګاونډیو هېوادونو لکه پاکستان، ایران او تاجکستان ته پناه یوړه.

نویسنده
نصیر احمد
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *