خبرونه 19 سنبله 1401 - 7:05 ب.ظ زمان تقریبی مطالعه: 0 دقیقه
کپی شد!
0

د ناټو عمومي منشي: د روسیې او اوکراین ترمنځ جګړه نازک پړاو ته داخله شوې ده

د ناټو عمومي منشي وايي، له روسیې څخه د اوکراین د ځینو برخو په نیولو سره د مسکو او کی‌یف جګړه یوه حساس پړاو ته داخله شوې ده.

memaarpress

د معمار وحدت د خبری آژانس د خبر له مخې؛ د شمالي اتلانتیک تړون سازمان (ناټو) عمومي منشي ینس سټولټنبرګ د جمعې ماښام وویل چې د اوکراین سره د ناټو ملاتړ خورا اغیز لري ځکه چې د دې هیواد اردو د خپلې خاورې د بیرته نیولو لپاره پرمختګ کوي.

سټولټنبرګ د امریکا د بهرنیو چارو له وزیر انتوني بلینکن سره په یوه ګډه خبري غونډه کې وویل: د اوکراین جګړه یوه حساسه پړاو ته داخله شوې ده، ځکه اوکرایني ځواکونه توانېدلي چې په دونباس سیمه کې د روسیې د یرغل مخه ونیسي او د دغه هېواد جنوب او ختیځ بېرته ونیسي.

هغه د دې په څرګندولو سره چې اوکراین او ناټو باید د اوږد مهال لپاره چمتو وي، د ناټو له متحدینو یې وغوښتل چې د اوکراین ملاتړ ته دوام ورکړي.

د ناټو عمومي منشي ټینګار وکړ، دغه ملاتړ به په جګړه کې لوی بدلون راولي.

سټولټنبرګ زیاته کړه: “که اوکراین جګړه ودروي، نو به د یو خپلواک هیواد په توګه شتون ونلري، نو موږ باید د اوکراین او د خپل ځان لپاره په دا لاره کې پاتې شو.”

نویسنده
نصیر احمد
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *