افغانستان 15 سنبله 1401 - 10:01 ق.ظ زمان تقریبی مطالعه: 0 دقیقه
کپی شد!
0

لیز تراس د بریتانیا صدراعظمه شوه

pashto.memaarpress.com

د معمار وحدت د خبری آژانس د خبر له مخې؛ د جانسن استعفا ته په پام او د پارلمان د عمومي انتخاباتو د مخنیوي په خاطر د محافظه کاره واکمن ګوند غړو په خپل منځ کې انتخابات وکړل او نوی صدراعظم یې وټاکه.

په ۲۰۱۹ کال کې د برتانیا د پخوانۍ لومړۍ وزیرې “تریزا مې” له استعفا وروسته بوریس جانسن د ۹۲ زره محافظه کارانو په مثبتو رایو سره د صدراعظم په توګه وټاکل شو.

ګارډین لیکي چې لیز تراس د خپل ګوند د غړو ۵۷.۴ سلنه رایې د څلورو صدراعظمانو په منځ کې چې په دې توګه وټاکل شول ترلاسه کړې. او یوازینۍ لومړۍ وزیره ده چې د محافظه کارانو په سلو کې له ۶۰ کمو رایو سره دغه مقام ترلاسه کوي.

د برتانیا د حکومت د وزیرانو او جګپوړو چارواکو د استعفاګانو له څپې وروسته بوریس جانسن له ډېر مقاومت او له ډېرو کړکېچونو وروسته بالاخره خپله استعفا اعلان کړه.

د دغه هېواد د لومړي وزیر د ټاکنو لپاره په انګلستان کې له شاوخوا دوو میاشتو ګوندي سیالۍ وروسته د انګلستان د خزانې پخوانی وزیر “ریشي سوناک” او د برتانیې د بهرنیو چارو وزیر “تراس” وروستي پړاو ته لاره موندلې ده.

سوناک، چې د ګوند په دې داخلي ټاکنو کې یې څه باندې ۶۰،۰۰۰ رایې (۴۲.۶٪) ګټلې، یو له لومړنیو وزیرانو څخه و چې د جانسن د فعالیت په اعتراض کې یې استعفا وکړه او له بلې خوا لیز تراس د جانسن له ملاتړو څخه دی.

لیز تراس یو له لومړنیو لویدیځو سیاستوالو څخه و چې د بریتانیا د بهرنیو چارو د وزیرې په توګه یې د خپلې دندې پر مهال د اوکراین په جګړه کې د روسیې د ماتې غوښتنه وکړه.

د انګلستان پخوانی خارجه وزیر او اوسنی لومړی وزیر هم د ایران د اسلامی جمهوریت په وړاندې سخت دریځونه لری.

هغه ژمنه وکړه چې په اوکراین کې د جګړې له امله د انرژۍ د ژور بحران ته په پام، سږکال، لکه څنګه چې په انګلستان کې هوا سړه کیږي، د بریښنا بیلونه به اتباعو ته نه ورکول کیږي.

نویسنده
نصیر احمد
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *