افغانستان 15 سنبله 1401 - 2:32 ب.ظ زمان تقریبی مطالعه: 0 دقیقه
کپی شد!
0

د طالبانو د عدلیې وزارت: سیاسي ګوندونه هغه وخت د فعالیت اجازه لري چې خلک له سیاست سره اشنا شي

د طالبانو د عدلیې وزارت وايي چې اوس مهال د افغانستان جغرافیه او سیاسي وضعیت د سیاسي ګوندونو فعالیت ته چمتو نه دی او ثابته شوې چې ګوندونه د جګړو او ناخوالو لامل شوي دي.

memaarpress.com

د معمار وحدت د خبری آژانس د خبر له مخې؛ دغه وزارت پرون په یوه خبرپاڼه کې وویل: تر ​​هغه چې سیاسي ګوندونو ته د فعالیت زمینه برابره شي او خلک له سیاست سره اشنا شي او سیاسي ګوندونه خپل اصلي مسوولیت درک کړي، شونې ده ګوندونو ته د فعالیت اجازه ورکړل شي.

په خبرپاڼه کې راغلي، چې د سیاسي ګوندونو د فعالیتونو او اساسي قانون په اړه د دغه وزارت د چارواکو پرونۍ خبرې ناسمې تعبیر شوې او موخه یې دا نه وه، چې اساسي قانون ته اړتیا نشته.

د طالبانو د عدلیې وزارت مرستیال عبدالکریم حیدر پرون په یوه خبري غونډه کې وویل چې افغانستان اساسي قانون ته اړتیا نه لري او په هېواد کې د خلکو ستونزې د حنفي فقهې پر اساس حل کېږي.

خبرپاڼه ټینګار کوي چې «د اساسي قانون موجودیت یوه عاجله اړتیا ده» او له پخوا راهیسې داسې یو اساسي قانون شتون لري چې سرچینه یې قرآن، حدیث او په ځانګړې توګه حنفي فقه ده.

د طالبانو د عدلیې وزارت د معلوماتو له مخې، د اساسي قانون پر طرحې چې د ژوند کوچني او غټ مسایل پکې شامل شي او “نړۍ به ترې راضي وي” کار پیل شوی او څو کمېټې پرې کار کوي.

دا په داسې حال کې ده، چې تر دې مخکې د طالبانو مشر ملا هبت الله اخندزاده ویلي وو، چې بشري قوانین باید پرېښودل شي او شرعي احکام باید پلي شي.

نویسنده
نصیر احمد
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *