افغانستان 06 سنبله 1401 - 10:11 ق.ظ زمان تقریبی مطالعه: 0 دقیقه
کپی شد!
0

د اتریش په پلازمینه کې د طالبانو ضد سیاستوالو غونډه

د هغه سیاسون له خوا د خپرې شوې اعلامیې پر بنسټ، چې د طالبانو له حکومت سره مخالفت کوي، ټاکل شوې دغه غونډه د سپټمبر په ۱۵ او ۱۷ په ویانا کې جوړه شي او ټاکل شوې دغه غونډه راتلونکې میاشت د آسټریا په پلازمېنه ویانا کې د افغانستان د وضعیت د ارزونې په موخه جوړه شي.

pashto.memaarpress.com

د معمار وحدت د خبری آژانس د خبر له مخې، احمد مسعود، رحمت الله نبیل، رنګین دادفر سپنتا، فضل احمد معنوی، فوزیه کوفی، شاه‌ګل رضایی او یو شمیر نور افغان شخصیتونه به په دغه غونډه کې ګډون وکړی.

اعلامیه زیاتوي چې د طالبانو مخالف سیاستوال تل د سولې خبرو ته د طالبانو د نه لېوالتیا شاهدان دي او اوس د یوې بدیلې لارې د موندلو لپاره د افغانستان د سیاسي اشخاصو او خلکو ترمنځ خبرو ته اړتیا ده.

دوی وویل، د افغانستان خلک د یوه داسې حکومت او د یوه باثباته اساسي قانون مستحق دي چې د ټولو خلکو استازیتوب وکړي.

سیاستوالو طالبانو ته ویلي چې دا ډله باید پوه شي چې د افغانستان د خلکو او نړیوالې ټولنې له خوا د منلو وړ مشروع حکومت په جوړولو سره به رښتینې سوله رامنځته شي.

د دوی په وینا، د خدماتو په وړاندې کولو کې د طالبانو نه لېوالتیا او بې کفایتي، د هېوادوالو په ځانګړې توګه د ښځو او نجونو د اساسي حقونو ساتنه، د امنیتي وضعیت خرابوالی، اقتصادي او بشري کړکېچ د افغانستان د کړکېچ د حل لپاره نوې تګلارې ته اړتیا لري.

دوی وویل، طالبانو بشري حقونه په ځانګړې توګه د ښځو او نجونو حقونه تر پښو لاندې کړي او له زده کړو، ټولنیزو فعالیتونو او ازادۍ یې بې برخې کړي دي.

اعلامیې په ډاګه کړې، چې تاوتریخوالی، وژنې، د امنیتي ځواکونو د پخوانیو غړو شکنجې، د رسنیو سپکاوی او د لږکیو جبري مهاجرت د افغانستان د نن ورځې تریخ واقعیتونه دي.

په اعلاميه کې د ايمن الظواهري د مړينې يادونه هم شوې او زياته کړې يې ده، چې طالبانو له القاعدې سره خپلې اړيکې نه دي پرې کړي او افغانستان د نړيوالو ترهګرو په خوندي کور بدل شوى دى.

نویسنده
نصیر احمد
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *