افغانستان 03 سنبله 1401 - 5:13 ب.ظ زمان تقریبی مطالعه: 0 دقیقه
کپی شد!
0

د احصایې او اطلاعاتو ریاست د الکترونیکي تذکرو د وېش مرکزونو ۱۷۴ کارکوونکي له دندو ګوښه کړل

د طالبانو د سرپرست حکومت د احصایې او اطلاعاتو ریاست په کابل کې د الکترونیکي تذکرو د وېش له مرکزونو څخه د NTA او قردادي ۱۷۴ کارکوونکي جلا کړي دي.

memaarpress.com

د معمار وحدت د خبری آژانس د خبر له مخې؛ په منفکي مکتوب کې راغلي، چې د افشارو، د کابل په ١١ او ١٤ ولسواليو کې الکترونیکي د تذکرو د وېش مرکزونه لغوه شوي او د دغو مرکزونو کارکوونکي هم جلا شوي دي.

د دغو کارکوونکو له ډلې څخه یو یې وايي چې قرارداد یې د روان لمریز کال تر پایه پای ته رسېږي. خو نن (چهارشنبه، ۲ سنبله) د دوی وروستۍ کاري ورځ وه.

هغه زياته کړه، چې له يادو ١٧٤ کسانو څخه چې منفک شوي وو، ١٥٥ تنه يې په هغو مرکزونو کې په دندو ګومارل شوي، چې لغوه شوي او ١٩ نور له نورو مرکزونو جلا شوي دي.

په کابل کې د الکترونیکي تذکرو د وېش د مرکزونو د لغوه کېدو او د کارکوونکو د ګوښه کېدو لامل لا نه دی څرګند.

د احصایې او اطلاعاتو وزارت ویاند په دې اړه له خبرو کولو ډډه وکړه.

د احصایې او اطلاعاتو ادارې په داسې حال کې خپل کارکوونکي له دندو ګوښه کړي چې په افغانستان کې بېکاري خپل اوج ته رسېدلې ده.

دغې ادارې تر دې وړاندې د خپلو یو شمېر کارکوونکو قراردادونه نه وه تمدید کړي. همدارنګه د دغه دفتر يو شمېر کارکوونکي د معاشونو په ورکړه کې د ځنډ له امله نيوکه کوي.

نویسنده
نصیر احمد
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *