افغانستان 02 سنبله 1401 - 12:51 ق.ظ زمان تقریبی مطالعه: 0 دقیقه
کپی شد!
0

د ملګرو ملتونو امنیت شورا ته د افغان ښځو د ایتلاف بنسټ غوښتنه: د طالب مشرانو د معافیت موده مه غځوئ

د بدلون لپاره، د افغان ښځو ټلوالې د ملګرو ملتونو له امنیت شورا وغوښتل چې د طالب مشرانو د معافیت موده وغځوي.

memaarpress.com

د معمار وحدت د خبری آژانس د خبر له مخې؛ دغه ایتلاف د یوه لیک په استولو سره د دغه سازمان له امنیت شورا غوښتي چې د طالبانو ټولو مشرانو ته د سفر معافیت پای ته ورسوي.

دغه ایتلاف ویلي، سره له دې چې طالبانو د اسلامي شریعت په چوکاټ کې د ښځو حقونو ته د درناوي او د یوه ټول شموله حکومت د جوړولو ژمنې کړې، دغه ډله بېرته خپلو سختو قوانینو ته راستانه شوې ده.

د دغه ايتلاف د دغو ښځينه غړو په وينا، طالبانو نه يوازې پر ښځو او نجونو سخت بنديزونه لګولي، بلکې د ښځو د شلو کلونو لاسته راوړنې يې هم له منځه وړي دي.

دوی ټینګار کړی چې طالبانو د ښځو او نجونو ازادي سلب کړې او تر ۱۲ کلنۍ پورته نجونو ته اجازه نه ورکوي چې ښوونځي ته لاړې شي.

په لیک کې راغلي چې طالبانو د بشري حقونو خپلواک کمیسیون او د ښځو چارو وزارت لغوه کړی او د ښځو د خوندیتوب لپاره هیڅ میکانیزم نه لري.

د دغو مېرمنو په وینا پر طالبانو سیاسي فشارونه باید دوام ولري څو دغه ډله خپله تګلاره بدله کړي.

دغه ائتلاف له نړۍ غوښتي چې د افغانانو تر څنګ ودرېږي او د طالبانو د سفر معافیت دې پای ته ورسوي.

د دوی په لیک کې راغلي چې د طالبانو ۱۳۵ غړي تر سفري بندیزونو لاندې دي چې له دې جملې څخه ۱۳ یې په ۲۰۱۱ کال کې د سولې په معنی‌دارو خبرو کې د ګډون په خاطر د سفر معافیت ترلاسه کړی و.

په همدې حال کې د طالبانو د رهبرۍ د ۱۳ غړو د سفر معافیت د جمعې په ورځ د اګست په ۲۰ پای ته ورسېد، خو د ملګرو ملتونو د امنیت شورا د اختلافاتو له امله تر اوسه په دې اړه پرېکړه نه ده کړې.

نویسنده
نصیر احمد
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *