افغانستان 31 اسد 1401 - 12:43 ق.ظ زمان تقریبی مطالعه: 0 دقیقه
کپی شد!
0

ملاهبت الله او په حکومت کې نوې ګمارنې، په شمول د پنجشیر او اندراب لپاره د ځانګړي نظامي افسر ټاکل

د طالبانو مشر ملا هبت‌الله اخندزاده په ۱۰ لوړ پوړو او منځنیو دولتي پوستونو کې نوي ګومارنې کړي دي.

د معمار وحدت د خبري آژانس د خبر له مخې؛ ذبیح الله مجاهد د طالبانو د سرپرست حکومت ویاند نن یکشنبه (د اسد ۳۰مه) په خپل ټویټر کې د ښاغلي اخندزاده د نویو ګمارنو فرمان خپور کړ.

د طالبانو د دغو طرحو پر بنسټ د دفاع وزارت پخوانی مرستیال عطاالله عمري د کرنې، اوبولګولو او مالدارۍ د سرپرست په توګه، د کرنې وزارت پخوانی رئیس عبدالرحمن راشد د کډوالو او راستنیدونکو چارو وزارت د مرستیال په توګه او د اروزګان پخوانی والي محمد خان د پکتیا د والي په توګه ټاکل شوی دی.

د ښاغلي اخندزاده د دې پرېکړې پر بنسټ، د پکتیا پخوانی والي محمد علي جان احمد د اروزګان د والي په توګه او عبدالقیوم ذاکر د پنجشیر او اندراب ولایتونو د نظامي مسوول په توګه ټاکل شوي دي.

د دغه راز په فرمان کې ملا محمد طیب حقاني د پنجشیر د امنیه قوماندان په توګه او د فراه ښاروال مولوي عبدالظاهر خادم د دغه ولایت د امنیه قوماندان په توګه نومول شوی دی.

د طالبانو د مشر د حکم پر بنسټ، د دغه ولایت د لوا قوماندان مولوي عبدالولي ادریس د فراه د ښاروال په توګه، د “مسافر” په نوم یو کس د پنجشیر د لوا د قوماندان په توګه او د فراه امنيه قوماندان ملا نعمت الله معصوم د دغه ولايت د لوا د قوماندان په توګه وټاکل شو.

نویسنده
نصیر احمد
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *