افغانستان 31 اسد 1401 - 12:47 ق.ظ زمان تقریبی مطالعه: 0 دقیقه
کپی شد!
0

د ایران د کورنیو چارو وزیر: د افغانستان او ایران ترمنځ د سرحدي شخړو د هواري لپاره اړینه ده چې په سوله ییزه توګه او د خبرو اترو له لارې حل شي

ایران له طالبانو غوښتي چې د دغه هېواد له پوله ساتو ځواکونو سره د سرحدي شخړې د خبرو اترو له لارې حل کړي.

د معمار وحدت د خبری آژانس د خبر له مخې؛ د ایران د کورنیو چارو وزیر احمد وحیدي په یوه خبري غونډه کې د ایران او افغانستان ترمنځ د سرحدي جګړو پر زیاتوالي اندېښنه وښوده او ویې ویل، اړتیا ده چې دا مسایل په سوله ییزه توګه او له پوله ساتو ځواکونو او طالب ځواکونو سره د خبرو اترو له لارې حل شي.

ښاغلي وحیدي وویل چې د طالبانو له واکمنۍ وروسته په یوه کال کې موږ په ایران کې د طالبانو د سرحدي ساتونکو له خوا له پنځو څخه تر شپږو پورې د ډزو شاهدان وو.

نوموړي د دغو جګړو لامل د طالبانو د سرحدي ساتونکو د پوهاوي نشتوالی وباله او زياته يې کړه، چې هر ځل د سرحدي ساتونکو له لوري حل شوي دي. خو د هغه په ​​وینا کابل ته جدي پام نه دي شوي.

د ایران د کورنیو چارو وزیر د پولې د تړلو احتمال رد کړ او ویې ویل، دا موضوع په اجنډا کې نه ده.

د ایران د کورنیو چارو وزارت دا غوښتنه په داسې حال کې کوي چې تر دې مخکې د افغانستان په چارو کې د ایران د ولسمشر ځانګړي استازي حسن کاظمي قمي اعلان کړی و چې د طالبانو د دفاع وزارت له افغان پوله ساتو سره تماس نیولی او هغوی ته یې د جګړې د مخنیوي امر کړی او د داسې کړنو د تکرار د مخنیوي لپاره یې د یوې ګډې کمېټې جوړول د اجنډا په سر کې دي.

نویسنده
نصیر احمد
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *