خبرونه 27 اسد 1401 - 1:57 ب.ظ زمان تقریبی مطالعه: 0 دقیقه
کپی شد!
0

ترکیې د ملګرو ملتونو په جوړښت کې د بیا کتنې غوښتنه وکړه

د ترکیې یوه جګپوړي چارواکي د ملګروملتونو د بیا تنظیمولو غوښتنه وکړه او ټینګار یې وکړ چې نړۍ د ملګروملتونو د امنیت شورا له پنځو دایمي غړو څخه لویه ده.

د ترکیې یوه جګپوړي چارواکي د ملګروملتونو د بیا تنظیمولو غوښتنه وکړه او ټینګار یې وکړ چې نړۍ د ملګروملتونو د امنیت شورا له پنځو دایمي غړو څخه لویه ده.

د معمار وحدت د خبری آژانس د خبر له مخې؛ د ترکیې د ولسمشرۍ د ارتباطاتو د مرکز مشر فخرالدین آلتون د نړیوالې سولې او امنیت د ټینګښت په خاطر د ملګرو ملتو د بیا تنظیمولو غوښتنه وکړه.

نوموړي د يوې غونډې په ترڅ کې وويل، چې د ملګرو ملتونو اصلي موخه د نړيوالې سولې او امنيت رامنځته کول او ساتل دي.

الټون زیاته کړه چې ملګرو ملتونو له خپل پیل راهیسې په نړۍ کې د سولې او ثبات په برخه کې پراخه ونډه اخیستې ده، خو له سړې جګړې وروسته نه دی توانیدلی چې د سترو بشري بحرانونو د مخنیوي لپاره یوه کوټلي حل لاره وړاندې کړي او نه دی توانېدلی چې د سولې او امنیت په ټینګښت کې فعال رول ولوبوي.»

د ترکیې د ولسمشرۍ د ارتباطاتو د مرکز مشر زیاته کړه چې ملګري ملتونه په بوسنیا، هرزګوینا، روانډا، سوریه او کوزوو کې ونه توانېد چي د بشري ناورین مخه ونیسي او همدارنګه په دې وروستیو کې ونه توانېد چي د اوکراین پر ضد د روسیې د بریدونو مخه ونیسي.

هغه ټینګار وکړ چې ملګري ملتونه چې د سولې او امنیت د ملاتړ په هدف رامنځته شوي، په دې برخه کې د بشري ټولنې غوښتنې نه شي پوره کولای.

التون زیاته کړه: “د هغو پیښو سره په مقابله کې چې د نړۍ سوله او ثبات تهدیدوي، د ملګرو ملتونو د فعال او همغږي رول کمزورتیا هم په نړیواله ټولنه کې د دې ادارې موقف کمزوری کړی دی.”

هغه ټینګار وکړ چې د نړیوالې سولې او هیلو د ملاتړ لپاره باید د ملګرو ملتونو جوړښت لا زیات فعال شي.

د ترکیې د ولسمشرۍ د ارتباطاتو د مرکز مشر وویل: په دې برخه کښې مو له ډیرې مودې راهیسي خپل وړاندیز وړاندې کړ او ټولو هیوادونو ته یې وړاندې کړ.

التون ټینګار وکړ چې د ترکیې وړاندیز په دې شعار کې منعکس شوی دی چې “نړۍ له پنځو هیوادونو څخه لویه ده” (د امنیت شورا پنځه دایمي غړو ته اشاره کوي) او د امنیت شورا جوړښت بدلولو باندې تمرکز کوي.

نویسنده
نصیر احمد
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *