خبرونه 11 اسد 1401 - 4:30 ب.ظ زمان تقریبی مطالعه: 2 دقیقه
کپی شد!
0

نبیل: امریکايي بې پیلوټه الوتکو د کابل په ځینو برخو بمباري کړې

په کابل ښار کې د دوو چاودنو د رامنځته کېدو د خبر تر خپرېدو وروسته د ملي امنیت پخواني رییس رحمت الله نبیل ویلي، چې امریکايي بې پیلوټه الوتکو د کابل ښار په ځینو سیمو بریدونه کړي دي.
د معمار وحدت د خبری آژانس د خبر له مخې؛ د افغانستان د ملي امنیت پخواني رئیس رحمت الله نبیل نن په خپله ټویټر پاڼه لیکلي چې د دوحې د هوکړې پر بنسټ به امریکا له طالبانو سره د داعش پر ضد جګړه کې مرسته کوي.
نبيل د خپلو سرچينو د معلوماتو په حواله ويلي، چې نن سهار د کابل په اسمان کې امريکايي بې پيلوټه الوتکې ليدل شوې دي.
د نبیل په وینا، احتمال شته چې دغو الوتکو د داعش پټنځایونه په نښه کړي وي.
د ملي امنیت پخواني مشر خبرداری ورکړی، چې که طالبان د افغانانو ملاتړ ونه کړي، د دوی حکومت به دوام و نه کړي او د طالبانو تر واکمنۍ لاندې افغانستان به د مذهبي سخت دریځو لپاره په امن ځای بدل شي.
د يادونې وړ ده، چې نن سهار د کابل په وزير اکبرخان او شيرپور سيمو دوه راکټونه لګېدلي دي. تر اوسه د دغه برید په اړه نور جزیات نه دي په ډاګه شوي.
نویسنده
memmaradmin
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *