خبرونه 23 سرطان 1401 - 6:49 ب.ظ زمان تقریبی مطالعه: 1 دقیقه
کپی شد!
0

افغانستان کې د جنګي جنایتونو د تورونو پر څېړنې د بشري حقونو بنسټونو ټينګار

د بنښنې نړۍوال سازمان په افغانستان کې د برېټانیوي ځواکونو له خوا د افغانستان د ولسي وګړو د وژنې په هکله د بي بي سي رپوټ موندنې وحشتناکه ګنلي او د دغې پېښې د عاملانو پر ځواب ویلو یې ټينګار کړی دی.

دغه بنسټ ویلي دي چې د سزا نړۍواله محکمه باید په افغانستان کې د ټولو لوریو له خوا د ترسره شویو جنګي جنایتونو د ادعاوو په هکله څېړنه وکړي.

افغانستان کې د ولسي وګړو د وژنې د ادعاوو په هکله غبرګونونه له هغې پورته شوي چې بي بي سي په خپله تازه څېړنه کې فاش کړې چې برېټانیوي ځواکونو له ۲۰۱۰ تر ۲۰۱۱ کاله په هلمند ولایت کې جنګي جنایتونه ترسره کړي دي او ولسي خلک یې وژلي دي.

د بشري حقونو د څار بنسټ مدافع رییس جان سیفتون په دې هکله وویل:«د بي بي سي په رپوټ کې شوې ادعاوې جدي دي. د برېټانیا حکومت اړتیا لري چې په دې تړاو ژر تر ژره ځواب ورکړي او په دې تړاو چې څرنګه مشکوکې وژنې شوې دي او تر ټولو مهمه دا چې ولې ځواب ورکونه نشته؟ پر دغو وژنو سربېره دا ډېره ټکان ورکوونکې ده، چې جګپوړو نظامي افسرانو دغه جنایتونه پټ ساتلي دي او په څېړنو کې یې لاسوهنه کړې ده.»

د بښنې د نړۍوال سازمان د سوېلي آسیا د برخې څېړونکی زمان سلطاني څرګنده کړه:«موږ د برېټانیا حکومت لهخوا د هر اړخیزو، رڼو څېړونو غوښتونکي یوو، نه یوازې دا بلکې د سزا له نړۍوالې محکمې هم غواړو چې په افغانستان کې د جنګي جنایتونو او د بشري جرایمو پر ضد هر اړخیزې څېړنې پيل کړي.»

بلخوا د هلمند د موسی کلا ولسوالۍ ځينې اوسېدونکي وایي چې د وروستیو شلو کلونو په جګړو کې یې لږ تر لږه د کورنۍ یو غړی د بهرنیو ځواکونو په عملیاتو کې وژل شوی دی.

د موسی کلا ولسوالۍ اوسېدونکی ملا محمد آخند وویل:«زما د کورنۍ څلور تنه شهیدان شوي، یو مې ورور، او درې نور مې ورېرونه وو.»

بل خوا اسلامي امارت هم د دغه راز پېښو له عاملانو سره پر قانوني چلن ټينګار کوي.

د اسلامي امارت د ویاند مرستیال بلال کریمي څرګندوي:«د شلو کلونو په اوږدو کې هغو ټولو هېوادونو چې زموږ په هېواد کې حضور درلود او زموږ هېواد یې ښکېلاک کړئ وو، او دا ډول کړنې یې کړي دي، دا یوه ډېره کمه سلنه ښيي چې دا واقعیت دی.»

خو د برېتانیا دفاع وزارت په افغانستان کې د ځانګړو برېټانیوي ځواکونو د جنایتونو په تړاو د بي بي سي د څېړنې موندنې رد کړې دي.

نویسنده
memmaradmin
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *