افغانستان 22 سرطان 1401 - 7:45 ب.ظ زمان تقریبی مطالعه: 0 دقیقه
کپی شد!
0

د دفاع وزارت سرپرست وايي کابل له دوحې سره امنیتي تړون لاسلیکوي

د ملي دفاع وزارت سرپرست وایي، ټاکل شوې کابل له دوحې سره امنیتي تړون لاسلیک کړي.

د ملي دفاع وزارت سرپرست  ملا محمد یعقوب له قطره تر بېرته راستنېدنې وروسته له ملي ټلویزیون سره په مرکه کې ویلي، دوحه له کابل سره د امنیتي تړون لاسلیک کولو ته لېواله ده او په وینا یې دوحه به د دواړو هېوادونو تر منځ د همکارۍ په چوکاټ کې دا تړون مطرع کړي.

نوموړی زیاتوي، د دې تړون د جزیاتو له تحلیل او ارزونې وروسته به د اسلامي امارت چارواکي تصمیم ونیسی چې یاد تړون لاسلیک کړي که نه.

د ملي دفاع وزارت سرپرست ملا محمد یعقوب مجاهد وايي: «د قطر او افغانستان د دفاع وزارتونو تر منځ یو قسم تړون رامنځ‌ته شي چې د دواړو هېوادونو په ګټه وي او د هغه تړون د موافقې په چوکاټ کې یو له بل سره همکاري ولري، نو موږ هم دا خبره ښه واخیستله او دلته به ان‌شاء الله مشوره ورباندې وکو او هغه مواد به مطالعه کړو.»

ښاغلي مجاهد په‌دې مرکه کې زیاته کړې، دوحې ته یې د سفر په لړ کې له قطري چارواکو غوښتي چې د افغان پوځ د معاشونو، یونیفورم، تخنیکي او نظامي تجهیزاتو د ورکړې په برخو کې له اسلامي امارت سره همکاري وکړي.

د ملي دفاع وزارت سرپرست ملا محمد یعقوب مجاهد وايي: «موږ له دوی څخه د همکارۍ څخه غوښتنه وکړه، هغه دا چې د پوځ د معاشاتو په ورکولو کې دوی چون اسلامي هېواد دی تر دېره وخته یې موږ سره همکاري کړې که په دې راسره همکاري وکړي، همداسې یونیفورم موږ جوړوو، په دې کې له موږ سره همکاري وکړي، د سرحداتو حفاظت ته موږ جدي توجه کړې ده او ډېر زیات متوجه یوو.»

خو د کابل او دوحې تر منځ د امنیتي تړون په تړاو بیلایبل لیدلوري شته.

د سیاسي چارو کارپوه طارق فرهادي وايي: «له غربي هېوادونو سره د موافقې له مخې، قطر د اصلاحاتو راوستلو ته د حکومت د ځوانو مشرانو د هڅولو لپاره د هوکړې وړاندیز کړی دی. هغه اصلاحات چې نړیواله ټولنه یې غواړي.»

پخواني ډېپلوماټ عزيز معراج وايي: «د قطر هېواد د امريکا د سټراټيژيک دوست په توګه په افغانستان کې د امريکا موخې پرمخ وړي او د طالبانو لپاره د امريکا د پروژو لارښونه پلي کوي.»

د پوځي چارو کارپوه حکمت الله حکمت وايي: «د افغانستان د امنیتي او دفاعي ځواکونو د پیاوړتیا په اړه له قطر سره امنیتي تړون د افغانانو او نوي حکومت ته اجازه ورکوي چې د پاکستان او ایران په څېر هېوادونو د ناوړو پلانونو پر وړاندې ودرېږي.»

دا په داسې حال کې ده چې تر دې مخکې اسلامي امارت په افغانستان کې د بهرنیو ځواکونو د هر ډول حضور او د امنیت په برخو کې د بهرنیو هېوادونو له مرستو او همکاریو سره په کلکه مخالفت کړی وو.

نویسنده
memmaradmin
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *